У рамках правядзення прафілактычных мерапрыемстваў, прысвечаных давядзенню да насельніцтва правілаў бяспечных паводзін на вадзе, студэнтаў першага курса кафедры "Прамысловая электроніка" спецыяльнасцей
1-36 04 02 "Прамысловая электроніка" і 1-53 01 07 "Інфармацыйныя тэхналогіі і кіраванне ў тэхнічных сістэмах" наведаў падпалкоўнік унутранай службы, старшы выкладчык кафедры "Бяспекі жыццядзейнасці" філіяла "Інстытут прафесійнай адукацыі" універсітэта грамадзянскай абароны Сідарэйка Іван Васільевіч.

     Іван Васільевіч давёў да ведама хлопчыкаў і дзяўчынак статыстычныя даныя аб колькасці патанулых за 2022 год, вылучыў асноўныя прычыны, па якіх адбываюцца ўтапленні, падрабязна расказаў аб правілах бяспечных паводзін на вадзе, аб тым, як зразумець, што чалавек тоне, як правільна ратаваць тапельца і як, у выпадку неабходнасці, аказаць яму першую медыцынскую дапамогу.

    Пасля гэтага Сідарэйка І.В. паказаў дзецям відэафільм, у якім было наглядна прадэманстравана, якія дзеянні неабходна распачаць для аказання дапамогі тапельцу. У ходзе гутаркі студэнты задавалі пытанні і атрымлівалі на іх вычарпальныя адказы. Мерапрыемства атрымалася вельмі пазнавальным.

В.М. Растокіна, Ю.Я. Котава